HOP Leo | ఎలక్ట్రిక్ వెహికిల్స్‌ కొనాలని ఉన్నప్పటికీ ఛార్జింగ్‌ సమస్యతో చాలామంది వెనకడుగు వేస్తున్నారు. ఇది గమనించిన ఎలక్ట్రిక్ స్కూటర్ల తయారీ సంస్థ హాప్‌ ( HOP) సరికొత్త బైక్‌ను తీసుకొచ్చింది. ఇప్పటికే ఉన్న హాప్‌ లియో మోడల్‌లో హై స్పీడ్‌ వేరియంట్‌ను తీసుకొచ్చింది.
ఈ ఎలక్ట్రిక్ స్కూటర్‌ గరిష్ఠంగా గంటకు 50 కిలోమీటర్ల వేగంతో వెళ్లగలదు. ఇందులో 2.1KWh లిథియం అయాన్‌ బ్యాటరీని వినియోగించారు. దీనివల్ల దీన్ని ఒక్కసారి ఛార్జ్‌ చేస్తే 120 కిలోమీటర్ల రేంజ్‌ వరకు ప్రయాణించగలదు. దీన్ని ఛార్జ్‌ చేయడానికి కూడా చాలా తక్కువ సమయమే పడుతుంది. 850 w స్మార్ట్‌ చార్జర్‌ను ఉపయోగిస్తే కేవలం రెండున్నర గంటల్లోనే 80 శాతం వరకు ఛార్జ్‌ చేయవచ్చు. దీని ధర సుమారు రూ.97 వేలు ( ఎక్స్‌ షోరూం ) గా నిర్ణయించారు.
మరిన్ని ఫీచర్లు
✬ హాప్‌ లియో హైస్పీడ్‌ వేరియంట్‌లో నాలుగు మోడ్స్‌ ఉన్నాయి. ఎకో, పవర్‌, స్పోర్ట్స్‌ మోడ్స్‌తో పాటు రివర్స్‌ మోడ్‌ కూడా ఉంది.
✬ ఈ స్కూటర్‌ ముందు, వెనుక భాగంలో 10 అంగుళాల టైర్లు ఉన్నాయి. దీని గ్రౌండ్‌ క్లియరెన్స్‌ 160మి.మీలుగా ఉంది. ఇది 160 కేజీల వరకు బరువును మోయగలవు.
✬ హాప్‌ లియో ఎలక్ట్రిక్ స్కూటర్‌లో సస్పెన్షన్‌ సెటప్‌ బాగుంది. దీని ముందు భాగంలో నిటారుగా ఉండే టెలిస్కోపిక్‌ ఫోర్క్‌, వెనుక సస్పెన్షన్‌ హైడ్రాలిక్ స్ప్రింగ్‌ లోడెడ్‌ షాక్‌ అబ్జార్బర్‌ ఉన్నాయి.
✬ ఇందులో ముందు, వెనక కలిపి కాంబి- బ్రేక్‌ సిస్టమ్‌ ఉంది. అలాగే రీజనరేటివ్‌ బ్రేకింగ్‌ సిస్టమ్‌ కూడా ఉంది.
✬ ఈ బైక్‌లో ఎల్‌సీడీ డిజిటల్‌ డిస్‌ప్లే ఉంటుంది. దీనికి కనెక్టివిటీ ఫీచర్‌ లేదు. కానీ థర్డ్‌ పార్టీ జీపీఎస్‌ ట్రాకర్‌ను ఇన్‌స్టాల్‌ చేసుకునే సదుపాయం ఉంది.
✬ వైట్‌, బ్లాక్‌, గ్రే, బ్లూ, రెడ్‌ కలర్స్‌లో హాప్‌ లియో హైస్పీడ్‌ వేరియంట్ అందుబాటులో ఉంది.
Follow Us : Google News, Facebook, Twitter
Read More Articles:
Electric Car Eva | కిలో మీటర్‌కు 80 పైసలే ఖర్చు.. అదిరిపోయే ఫీచర్‌తో వస్తున్న సరికొత్త కారు
maruti suzuki | కొత్తగా కారు కొనాలని అనుకుంటున్నారా? మీకో షాకింగ్ న్యూస్
