Susmita Sen | బాలీవుడ్ నటి సుస్మితా సేన్ గుండెపోటుకు గురైంది. ఈ విషయాన్ని ఆమె స్వయంగా వెల్లడించింది. ఇటీవల తనకు తీవ్ర గుండెపోటు వచ్చిందన్న విషయాన్ని ఇన్స్టాగ్రామ్ ద్వారా వెల్లడించింది. వాళ్ల నాన్నతో దిగిన ఫొటోను షేర్ చేసింది.
మీ గుండెను ధైర్యంగా, సంతోషంగా ఉంచుకోండి. ఆపద సమయంలో అది మీకు తోడుగా ఉంటుందని మా నాన్న ఎప్పుడూ నాతో చెబుతుండేవారు. నా విషయంలో ఇప్పుడు అది నిజమే అయ్యింది. కొద్దిరోజుల క్రితం నాకు హార్ట్ ఎటాక్ వచ్చింది. యాంజియోప్లాస్టీ చేశారు. స్టెంట్ కూడా వేశారు. ఆ టైమ్లో మా డాక్టర్ కూడా నాతో ఇదే అన్నారు. నా గుండె చాలా పెద్దదని ఆ డాక్టర్ అన్నాడు అంటూ సుస్మితా సేన్ ఇన్స్టాగ్రామ్లో రాసుకొచ్చింది. ఈ హార్ట్ ఎటాక్కు సంబంధించిన విషయాలను మరో పోస్టులో చెబుతానని.. ప్రస్తుతం తనను అభిమానించే ఫ్యాన్స్, సన్నిహితులకు విషయం చెబుదామని మాత్రమే ఈ పోస్టు చేస్తున్నానని పేర్కొంది.
యువతలో ఇటీవల హృద్రోగాలు ఎక్కువైపోయాయి. నాలుగు పదుల వయసులోకి కూడా రాకముందే గుండెపోటుతో కుప్పకూలుతున్నారు. అప్పటివరకు సరదాగా ఉండి ఒక్కసారిగా ప్రాణాలను కోల్పోతున్నారు. ఇటీవల ఇలాంటి ఘటనలు మరింత ఎక్కువయ్యాయి. అప్పట్లో పునీత్ రాజ్కుమార్, ఇటీవల నందమూరి తారకరత్న వరకు చాలామంది కార్డియర్ అరెస్ట్తో ప్రాణాలు విడిచారు. తారకరత్న మరణం తర్వాత కూడా తెలుగు రాష్ట్రాల్లో ఇలాంటి సంఘటనలు చాలానే చూశాం. ఇలా రోజు రోజుకీ గుండెపోటుతో మరణించేవాళ్లు పెరిగిపోయిన నేపథ్యంలో గుండెను పదిలంగా కాపాడుకోవాలని సుస్మితా సేన్ సూచించింది.
Follow Us : Google News, Facebook, Twitter
Read More Articles:
Sunil | సునీల్ ఇంక హీరోగా పనికిరాడా.. విలన్ గా సెటిల్ అయిపోతాడా..?