Newzealand | ప్రకృతి ప్రకోపానికి తుర్కియే, సిరియా దేశాల తర్వాత ఇప్పుడు న్యూజిలాండ్‌ వణికిపోతుంది. మూడు రోజులుగా వరదల్లో చిక్కుకుపోయిన ఆ దేశాన్ని ఇప్పుడు భూకంపాలు భయపెట్టిస్తున్నాయి. గాబ్రియెల్‌ ( gabrielle ) తుఫాను కారణంగా న్యూజిలాండ్‌లో భారీ వర్షాలు కురుస్తున్నాయి. దీంతో నార్త్‌ ఐలాండ్‌, ఆక్లాండ్‌లో వరదలు ముంచెత్తుతున్నాయి. ఆయా ప్రాంతాల్లో జనజీవనం స్తంభించిపోయింది. భీకర గాలుల వల్ల భారీ వృక్షాలు, విద్యుత్‌ స్తంభాలు నేలమట్టామయ్యాయి. దీంతో వేలాది ఇల్లు చీకట్లో మగ్గుతున్నాయి. ఇలా ఒకవైపు భారీ వరదలు అతలాకుతలం చేస్తున్న ఈ సమయంలో న్యూజిలాండ్‌లో భూకంపం సంభవించింది.
వెల్లింగ్టన్‌ సమీపంలోని లోయర్‌ హట్‌ ప్రాంతంలో 6.1 తీవ్రతతో భూకంపం నమోదైనట్లు యూరోపియన్‌ మెడిటేరియన్‌ సెస్మిలాజికల్‌ సెంటర్‌ వెల్లడించింది. 74 కిలోమీటర్ల లోతులో ఇది కేంద్రీకృతమైంది. భూకంపం తర్వాత 15 నిమిషాల్లోనే 31వేల మంది తాము ఉన్న చోట్ల కంపించినట్లు చెప్పారు. దేశవ్యాప్తంగా 30 సెకన్ల పాటు భూప్రకంపనలు వచ్చాయని తెలిపారు. అయితే భూకంపం కారణంగా ఆస్తి, ప్రాణ నష్టం సంభవించిందా అనే విషయాలను ఇంతవరకు బయటపెట్టలేదు.
Follow Us : Google News, Facebook, Twitter
Read More Articles:
Bald Head | బట్టతల ఉంటే చురుగ్గా పనిచేయలేరు.. ఉద్యోగంలో నుంచి పీకేసిన బాస్ !
Aliens | అమెరికా గగనతలంలో ఏలియన్స్ తిరుగుతున్నాయా? వైట్ హౌజ్ ఆసక్తికర ప్రకటన
Chicken Price | కేజీ చికెన్‌ ధర రూ.720.. ఆదివారం నాడు భారీగా పెరిగిన ధర
