Birth day | చాలామంది భర్తలు కామన్‌గా చేసే పనే ఇది ! వర్క్ బిజీలోనో.. ఫ్యామిలీ టెన్షన్స్‌లోనో భార్య పుట్టిన రోజును మరిచిపోతుంటారు. భార్య బర్త్ డే సెలబ్రేట్ చేయడం అటుంచితే కనీసం విష్ కూడా చేయరు. దీంతో అర్ధాంగి ఆగ్రహానికి గురవుతుంటారు. ఇది ఆలుమగల మధ్య పెద్ద గొడవకే దారితీస్తుంది. ఆ తర్వాత ఒకటి రెండు రోజుల్లో అంతా సర్దుకుంటుంది. మళ్లీ ఎప్పటిలా ఉండిపోతారు. కానీ భార్య పుట్టిన రోజు మరిచిపోతే దాన్ని పెద్ద నేరంగా పరిగణించి 5 ఏళ్లు జైలు శిక్ష విధిస్తారని తెలుసా ! కంగారు పడకండి.. ఇది మన దేశంలో కాదు.. ప్రకృతి సౌందర్యాలకు ప్రసిద్ధి చెందిన సమోవా దేశంలో.
సమోవా దేశంలోని చట్టాల ప్రకారం భార్య బర్త్ డే మరిచిపోతే మొదటి సారి వార్నింగ్ ఇస్తారు. మరోసారి ఇలాంటి పొరపాటు జరగకూడదని హెచ్చరిస్తారు. కానీ రెండోసారి కూడా మరిచిపోతే ఇక అంతే! సదరు భర్తకు జరిమానా గానీ.. జైలు శిక్ష గానీ విధిస్తారు. దాదాపు ఐదేళ్ల వరకు కూడా కారాగారంలో గడపాల్సి ఉంటుంది. ఇదేదో నామమాత్రంగా ఉన్న చట్టం అస్సలు కాదు. దీన్ని చాలా పకడ్బందీగా అమలు చేస్తున్నారు. దీనికోసం ప్రత్యేకంగా ఒక టీమ్‌ను కూడా సమోవా ప్రభుత్వం ఏర్పాటు చేసింది. ఇందులో పోలీస్ అధికారి స్థాయి వ్యక్తి నేతృత్వంలో ఈ టీమ్ నడుస్తుంది.
ఎవరైనా తన భర్త బర్త్ డే విషెస్ చెప్పాలేదని ఫిర్యాదు చేస్తే.. ఈ స్పెషల్ టీమ్ వెంటనే రంగంలోకి దిగుతుంది. తగు చర్యలు తీసుకుంటుంది. వచ్చిన ఫిర్యాదులపై చర్యలు తీసుకోవడమే కాదు.. వీళ్లు మధ్య మధ్యలో అవగాహన సదస్సులు కూడా ఏర్పాటు చేస్తారు. ఈ చట్టం గురించి మహిళలకు వివరిస్తూ ఉంటారు.
Follow Us : Google News, Facebook, Twitter
Read More Articles:
bachelors | అందమైన అమ్మాయి దొరకాలని పెళ్లి కాని ప్రసాదుల పాద యాత్ర.. వీళ్లకు పిల్ల దొరికేనా !!
Jagapathi babu | ఏమైందో తెలియదు.. పోగొట్టుకున్నా ఆస్తులపై నోరువిప్పిన జగపతిబాబు..
Minister KTR | మెట్రో టికెట్ ధరలు ఇష్టం వచ్చినట్టు పెంచితే ఊరుకోం.. అసెంబ్లీ సాక్షిగా మంత్రి కేటీఆర్ హెచ్చరిక
