Fog Effect | పొగమంచు కారణంగా చైనాలో ఘోర రోడ్డు ప్రమాదం జరిగింది. ముందు వెళ్తున్న వాహనాలు కనిపించనంతగా పొగమంచు కమ్ముకోవడంతో రోడ్డు ప్రమాదం జరిగినట్లు తెలుస్తోంది. ఒకదానికి ఒకటి పలు వాహనాలు ఢీ కొనడంతో 17 మంది మృతి చెందారు. మరో 22 మంది తీవ్రంగా గాయపడ్డట్లుగా తెలుస్తోంది. చైనాలోని జియాంగ్జీ ప్రావిన్స్‌ నాన్‌చాంగ్ కౌంటీలో ఆదివారం తెల్లవారుజామున ఈ ప్రమాదం జరిగింది. సమాచారం అందుకున్న పోలీసులు ఘటనా స్థలానికి చేరుకుని క్షతగాత్రులను స్థానిక ఆస్పత్రులకు తరలించి చికిత్స అందిస్తున్నారు.
పొగమంచు కారణంగా రోడ్డుపై వెళ్తున్న వాహనాలు ఒకదానికి ఒకటి ఢీకొన్నాయని, ఇటీవలి కాలంలో ఈ తరహా రోడ్డు ప్రమాదాల్లో ఇదే పెద్దదని పోలీసులు తెలిపారు. రోడ్డు ప్రమాదం వల్ల భారీగా ట్రాఫిక్ జామ్ ఏర్పడింది. ఎన్ని వాహనాలు ప్రమాదానికి గురయ్యాయనే విషయంపై ఇంకా క్లారిటీ రాలేదని పోలీసులు తెలిపారు. జియాంగ్జీ ప్రావిన్స్‌లో భారీగా పొగ మంచు కమ్ముకుందని వాహనదారులు జాగ్రత్తగా వాహనాలు నడపాలని పోలీసులు అలర్ట్ జారీ చేశారు. ఎట్టిపరిస్థితుల్లోనూ ఓవర్ టేక్ చేయొద్దంటూ సూచించారు.
Read More Articles:
Temples | ఆలయాల్లోని గుండాల్లో,నదుల్లో నాణేలను ఎందుకు వేస్తారో తెలుసా? ఇలా వేయడం మంచిదేనా..?
