TS Gurukula Exam | తెలంగాణలోని గురుకులాల్లో ఖాళీ పోస్టుల భర్తీకి సంబంధించి గురుకుల నియామక బోర్డు ( TREIRB ) కీలక అప్‌డేట్ ఇచ్చింది. బోధన, భోధనేతర సిబ్బంది భర్తీ ప్రక్రియకు సంబంధించి ఆగస్టు 1వ తేదీ నుంచి 23వ తేదీ వరకు నియామక పరీక్షలు నిర్వహించనున్నట్లు ప్రకటించింది. పోస్టుల ఆధారంగా ఈ పరీక్షలు అన్నీ ఆన్‌లైన్‌లోనే నిర్వహిస్తామని స్పష్టం చేసింది.
ఎస్సీ, ఎస్టీ, మైనారిటీ, బీసీ గురుకులాలు అన్నీ కలిపి మొత్తంగా 9,210 పోస్టులను భర్తీ చేయాలని రాష్ట్ర ప్రభుత్వం గతంలో నిర్ణయించింది. ఈ రిక్రూట్‌మెంట్ బాధ్యతను గురుకుల నియామక బోర్డుకు అప్పగించింది. ఈ క్రమంలోనే 9 కేటగిరీలకు 9 నోటిఫికేషన్లను విడుదల చేసింది. ఈ పోస్టులకు గత నెల 27 వరకు దరఖాస్తులను స్వీకరించింది. అయితే అన్ని పోస్టులకు కలిపి 2,63,045 దరఖాస్తులు వచ్చాయి. ఈ క్రమంలో తాజాగా పరీక్షల తేదీలను ట్రిబ్ ప్రకటించింది. పోస్టుల వారీగా పరీక్షల షెడ్యూల్‌ను ఒకట్రెండు రోజుల్లో వెబ్‌సైట్‌లో అందుబాటులో ఉంచుతామని తెలంగాణ రెసిడెన్షియల్ ఎడ్యుకేషనల్ ఇన్‌స్టిట్యూషన్స్ రిక్రూట్‌మెంట్ బోర్డు కన్వీనర్ డా.మల్లయ్య భట్టు తెలిపారు.
| పోస్టుల వివరాలు.. | |
| పీజీటీ | 1276 |
| టీజీటీ | 4020 |
| జూనియర్ లెక్ఛరర్, లైబ్రేరియన్, ఫిజికల్ డైరెక్టర్ | 2008 |
| డిగ్రీ లెక్ఛరర్, పీడీ, లైబ్రేరియన్ | 868 |
| లైబ్రేరియన్ స్కూల్ | 434 |
| స్కూల్ ఫిజికల్ డైరెక్టర్ | 275 |
| డ్రాయింగ్, ఆర్ట్ టీచర్లు | 134 |
| క్రాఫ్ట్ ఇన్‌స్ట్రక్టర్, క్రాఫ్ట్ టీచర్లు | 92 |
| మ్యూజిక్ టీచర్లు | 124 |
Read More Articles |
Temple | ఆలయంలో కొబ్బరికాయ ఎందుకు కొడతారు? టెంకాయ కుళ్లిపోతే దోషమా?
