Team India Schedule | కొన్ని విజయాలు.. మరెన్నో పరాజయాలతో ఓ ఏడాదిని టీమిండియా ముగించేసింది. ఇంకా చెప్పాలంటే 2022 టీమిండియాకు పెద్దగా కలిసిరాలేదు. ఆసియా కప్తో పాటు టీ20 వరల్డ్ కప్లో టీమిండియా నిరాశ పరిచింది. ఈ పరాభావాలను మరిచిపోతూ కొంగొత్త ఆశలతో కొత్త సంవత్సరంలోకి అడుగుపెట్టింది. నూతన సంవత్సరంలో జరగబోయే కీలకమైన వరల్డ్ టెస్ట్ ఛాంపియన్ షిప్, వన్డే వరల్డ్ కప్, ఆసియా కప్లో సత్తా చాటాలని ఆశిస్తుంది. శ్రీలంకతో జనవరి 3 నుంచి జరిగే టీ20 సిరీస్తో ఈ ఏడాదిని టీమిండియా ప్రారంభించనుంది. ఈ నేపథ్యంలో 2023లో టీమిండియా షెడ్యూల్ను ఒకసారి చూద్దాం..
శ్రీలంకతో..
జనవరి 3 నుంచి స్వదేశంలో శ్రీలంకతో మూడు టీ20లు, మూడు వన్డే సిరీస్లు ఆడనుంది. తొలుత మూడు టీ20ల సిరీస్ జరగనుంది.
జనవరి 3 | తొలి టీ20 | ముంబై |
జనవరి 5 | రెండో టీ20 | పుణె |
జనవరి 7 | మూడో టీ20 | రాజ్కోట్ |
జనవరి 10 | తొలి వన్డే | గువాహటి |
జనవరి 12 | రెండో వన్డే | కోల్కతా |
జనవరి 15 | మూడో వన్డే | తిరువనంతపురం |
న్యూజిలాండ్తో
శ్రీలంకతో సిరీస్ తర్వాత మళ్లీ స్వదేశంలోనే న్యూజిలాండ్తో భారత్ తలపడనుంది. మూడు వన్డేలు, మూడు టీ20ల సిరీస్లు ఆడనుంది.
జనవరి 18 | తొలి వన్డే | హైదరాబాద్ |
జనవరి 21 | రెండో వన్డే | రాయ్పూర్ |
జనవరి 24 | మూడో వన్డే | ఇండోర్ |
జనవరి 27 | తొలి టీ20 | రాంచీ |
జనవరి 29 | రెండో టీ20 | లఖ్నవూ |
ఫిబ్రవరి 1 | మూడో టీ20 | అహ్మదాబాద్ |
ఆస్ట్రేలియాతో
బోర్డర్ గవాస్కర్ ట్రోఫీలో భాగంగా నాలుగు టెస్ట్ సిరీస్లో ఆస్ట్రేలియాతో తలపడనుంది. టెస్ట్ ఛాంపియన్ 2021-23లో భాగంగా టీమిండియా ఆడే చివరి టెస్ట్ ఇదే.
ఫిబ్రవరి 9-14 | తొలి టెస్ట్ | నాగ్పూర్ |
ఫిబ్రవరి 17-21 | రెండో టెస్ట్ | ఢిల్లీ |
మార్చి 1-5 | మూడో టెస్ట్ | ధర్మశాల |
మార్చి 9-13 | నాలుగో టెస్ట్ | అహ్మదాబాద్ |
మార్చి 17 | తొలి వన్డే | ముంబై |
మార్చి 19 | రెండో వన్డే | విశాఖపట్నం |
మార్చి 22 | మూడో వన్డే | చెన్నై |
టెస్ట్ ఛాంపియన్షిప్ ఫైనల్
ఐసీసీ వరల్డ్ టెస్ట్ ఛాంపియన్షిప్లో భాగంగా జూన్లో ఫైనల్స్ జరగనున్నాయి. ప్రస్తుతం వరల్డ్ టెస్ట్ ఛాంపియన్షిప్ పాయింట్లలో భారత్ రెండో స్థానంలో ఉంది. ఆస్ట్రేలియా సిరీస్లో భారత్ గెలిస్తే ఈ ఫైనల్స్లోకి అడుగుపెడుతుంది.
వెస్టిండీస్తో..
జులై, ఆగస్టులో టీమిండియా వెస్టిండీస్ పర్యటనకు వెళ్లనుంది. 2023-29 డబ్ల్యూటీసీలో భాగంగా రెండు టెస్టులు ఆడనుంది. అలాగే మూడు వన్డేలు, టీ20ల్లో తలపడనుంది. ఈ మ్యాచ్లకు సంబంధించి తేదీలు ప్రకటించాల్సి ఉంది.
ఆసియా కప్
సెప్టెంబర్లో పాకిస్థాన్ వేదికగా ఆసియా కప్ జరగనుంది. అయితే ఈ టోర్నీలో టీమిండియా ఆడటంపై సందిగ్ధం కొనసాగుతోంది. పాక్ గడ్డపై అడుగుపెట్టేది లేదని బీసీసీఐ చెబుతోంది. వేదిక మారితే తప్ప టీమిండియా ఆసియా కప్లో పాల్గొనే ఛాన్స్ లేదు.
ఆస్ట్రేలియాతో మరోసారి
ఈ ఏడాదిలో అక్టోబర్లో రెండోసారి ఆస్ట్రేలియాతో టీమిండియా తలపడనుంది. వరల్డ్ కప్ సన్నాహకాల్లో భాగంగా ఆసిస్తో మూడు వన్డేల సిరీస్ ఆడనుంది. ఇంకా మ్యాచ్ తేదీలు ఖరారు కాలేదు.
వరల్డ్ కప్
ఐసీసీ వన్డే ప్రపంచ కప్కు తొలిసారిగా పూర్తిస్థాయిలో ఈ ఏడాది భారత్ ఆతిథ్యం ఇవ్వబోతుంది. అక్టోబర్లో వరల్డ్ కప్ జరగనుంది. 1987, 1996, 2011లో భారత్ ఆతిథ్యం ఇచ్చినప్పటికీ పాకిస్థాన్, శ్రీలంకతో కలిసి సంయుక్తంగా నిర్వహించింది.
మూడోసారి ఆస్ట్రేలియాతో
వన్డే వరల్డ్కప్ తర్వాత మరోసారి ఆస్ట్రేలియాతో స్వదేశంలో భారత్ తలపడనుంది. ఈసారి ఐదు టీ20 సిరీస్లు జరుగుతుంది. నవంబర్లో ఈ మ్యాచ్లు ఉంటాయి.
దక్షిణాఫ్రికాతో ఫైనల్
దక్షిణాఫ్రికాపై డిసెంబర్లో జరిగే పోరుతో టీమిండియా 2023ని ముగించనుంది. రెండు టెస్టులు, మూడు వన్డేలు, మూడు టెస్ట్ మ్యాచ్ల సిరీస్లో సఫారీలతో టీమిండియా తలపడనుంది.
Read More Articles:
tech tips | మీకు వచ్చే ప్రతి మెయిల్స్ ఓపెన్ చేస్తున్నారా? ఈ జాగ్రత్తలు తీసుకోకుంటే మీ పని అంతే !
Corona | చైనాలో రోజుకు 9 వేల కరోనా మరణాలు.. మార్చినాటికి 100 కోట్ల మందికి వైరస్!
Free Ration | తెల్ల రేషన్ కార్డుదారులకు గుడ్ న్యూస్.. ఉచిత బియ్యం పంపిణీకి ఏపీ సీఎం జగన్ నిర్ణయం
Rashmika Mandanna | రష్మికకు కాంతారా డైరెక్టర్కు మధ్య గొడవలేంటి? ఎందుకు ఆమెను ట్రోల్ చేస్తున్నారు?