TSRTC | పెళ్లిళ్ల సీజన్ నేపథ్యంలో తెలంగాణ రాష్ట్ర రోడ్డు రవాణా సంస్థ ప్రయాణికులకు బంపర్ ఆఫర్ ప్రకటించింది. పెళ్లిళ్ల తో పాటు మరికొన్ని శుభకార్యాల కోసం అద్దె బస్సులపై ప్రత్యేక రాయితీని ఇవ్వనున్నట్లు టీఎస్ ఆర్టీసీ తెలిపింది.
శుభకార్యాల సమయంలో ప్రజలు ఇబ్బందులు పడకూడదనే ఉద్దేశంతో అద్దె బస్సులపై 10 శాతం రాయితీని ఇస్తున్నట్లు టీఎస్ఆర్టీసీ ఛైర్మన్, ఎమ్మెల్యే బాజిరెడ్డి గోవర్ధన్, ఎండీ సజ్జనార్ తెలిపారు. ఈ ఏడాది జూన్ 30 వరకు అద్దె బస్సులపై 10 శాతం వరకు రాయితీ అమల్లో ఉంటుందని బాజిరెడ్డి గోవర్దన్ రెడ్డి, సజ్జనార్ తెలిపారు.
ప్రైవేట్ వాహనాల కన్నా కూడా చాలా తక్కువ ధరకే తమ సంస్థ బస్సులను అద్దెకు ఇస్తున్నట్లు వారు వివరించారు. బస్సు బుకింగ్ కోసం ఎలాంటి నగదు డిపాజిట్లు కూడా అక్కర్లేదని తెలిపారు. పైగా ఆర్టీసీ బస్సులో ప్రయాణించడం సురక్షితమని కూడా పేర్కొన్నారు.
శుభకార్యాలు, పెళ్లిళ్లకు తమ అద్దె బస్సులకు వినియోగించుకుని టీఎస్ఆర్టీసీని ప్రోత్సహించాలని కోరారు. పెళ్లిళ్ల సీజన్ నేపథ్యంలో డిమాండ్ను బట్టి అద్దె బస్సులను అందుబాటులో ఉంచాలని అధికారులను ఆదేశించారు. అలాగే అన్ని రకాల బస్ సర్వీస్ లపై 10 శాతం రాయితీ ఇస్తున్నట్లు చెప్పారు. అద్దె బస్సుల బుకింగ్ కోసం తమ అధికారిక వెబ్సైట్ www.tsrtconline.in ను సందర్శించాలని సూచించారు. పూర్తి వివరాలకు స్థానిక డిపో మేనేజర్ను సంప్రదించాలన్నారు.
Follow Us : Google News, Facebook, Twitter
Read More Articles:
Ponguleti | దమ్ముంటే బీఆర్ఎస్ పార్టీకి రాజీనామా చేయ్.. పొంగులేటికి తెలంగాణ మంత్రి పువ్వాడ అజయ్ సవాలు