Argentina team | ఫిఫా వరల్డ్ కప్ గెలిచిన సంబరాల్లో ఉన్న అర్జెంటీనా ఆటగాళ్లకు ప్రమాదం తప్పింది. ప్రపంచకప్తో స్వదేశంలో అభిమానులతో కలిసి సంబురాలు చేసుకుంటున్న సమయంలోనే ఆటగాళ్లు ప్రమాదం నుంచి బయటపడ్డారు.
విజయోత్సవ వేడుకల్లో భాగంగా మెస్సీతో పాటు ఐదుగురు ఆటగాళ్లు ట్రోఫీతో పాటు బస్సు టాప్పై కూర్చున్నారు. బ్యూనస్ ఎయిర్స్ నగరంలో బస్సు పర్యటిస్తున్న సందర్భంలో ఒక్కసారి విద్యుత్ తీగ ఆటగాళ్లకు అడ్డుగా వచ్చింది. మొదట్లో విద్యుత్ తీగలను ఎవరూ గమనించలేదు. అయితే సమీపంలోకి వచ్చేసరికి ఓ ఆటగాడు గమనించి అందరినీ అప్రమత్తం చేయడంతో ప్రమాదం తప్పింది. అందరూ కిందకు వంగడంతో సేఫ్గా బయటపడ్డారు. అయితే విద్యుత్ షాక్ రాకపోయినా.. వైర్లు తగిలి కిందపడిపోయే అవకాశం అయితే ఉండేది. ఈ ఘటనకు సంబంధించిన వీడియో ఇప్పుడు వైరల్గా మారింది.
ఉత్కంఠ పోరులో ఫ్రాన్స్తో జరిగిన ఫైనల్ మ్యాచ్లో విజయం సాధించిన అర్జెంటీనా జట్టుకు స్వదేశంలో ఘన స్వాగతం లభించింది. బ్యూనస్ ఎయిర్స్ ఎయిర్పోర్టు వద్దకు పెద్ద ఎత్తున అభిమానులు తరలివచ్చి ఘన స్వాగతం పలికారు. నగరంలో పర్యటించేందుకు ప్రత్యేకంగా బస్సు ఏర్పాటు చేయడంతో ఆటగాళ్లంతా బస్సుపై ఎక్కి ట్రోఫీ చూపిస్తూ సందడి చేశారు. ఈ సమయంలోనే ప్రమాదం తప్పింది.
Read More Articles |
Sircilla kidnap | సిరిసిల్ల జిల్లాలో కిడ్నాప్ కేసులో ట్విస్ట్… మేమిద్దరం ప్రేమించుకున్నాం.. తల్లిదండ్రులతోనే మాకు ప్రాణహాని..
Digvijaya singh on TPPC | తెలంగాణ కాంగ్రెస్ పరిస్థితిపై అధిష్ఠానం ఫోకస్.. రంగంలోకి దిగిన దిగ్విజయ్ సింగ్