America | అగ్రరాజ్యం అమెరికాలో గన్ కల్చర్ విచ్చలవిడిగా పెరిగిపోతుంది. కాలిఫోర్నియాలోని హాఫ్ మూన్ బే ప్రాంతంలో గంటల వ్యవధిలోనే రెండు చోట్ల కాల్పులు జరిగాయి. స్థానిక కాలమాన ప్రకారం సోమవారం సాయంత్రం జరిగిన ఈ కాల్పుల్లో ఏడుగురు మరణించారు. కాల్పులకు పాల్పడిన నిందితుడిని పోలీసులు అదుపులోకి తీసుకున్నారు. కాల్పులకు గల కారణాలు తెలియరాలేదు. కాలిఫోర్నియా ఒక్కటే కాదు ఈ మూడు రోజుల్లో పలు ప్రాంతాల్లో కాల్పులు కలకలం సృష్టించాయి. ఈ ఘటనల్లో 20 మంది ప్రాణాలు కోల్పోయారు.
షికాగోలో హైదరాబాద్ వాసి బలి
షికాగోలో తెలుగు విద్యార్థులపై కాల్పులు జరిగాయి. ఈ ఘటనలో హైదరాబాద్‌కు చెందిన నందపు దేవ్‌శిష్ మృతిచెందాడు. కొప్పాల సాయిచరణ్ అనే మరో యువకుడు గాయపడ్డాడు. మరోవైపు ఐయోవా నగరంలోని డెస్ మొయినెస్ ప్రాంతంలో సోమవారం సాయంత్రం ఎడ్యుకేషన్ మెంటర్‌షిప్ ప్రోగ్రాం జరుగుతుండగా ఓ వ్యక్తి కాల్పులు జరిపాడు. ఈ ఘటనలో ఇద్దరు విద్యార్థులు దుర్మరణం చెందారు. మరో ఇద్దరి పరిస్థితి విషమంగా ఉంది.
Follow Us : Google News, Facebook, Twitter
