Australian Open 2023 | ఆస్ట్రేలియన్ ఓపెన్ మహిళల సింగిల్స్ ఫైనల్లో ఐదో సీడ్ అరి నా సబలెంకా కొత్త చరిత్రను రాసింది. మెల్ బోర్న్ లో శనివారం జరిగిన ఫైనల్లో సబలెంకా 4-6,6-3, 6-4 తో 22 వ సీడ్ ఎలెనా రైబాకినా పై విజయం సాధించింది.
తొలి సెట్ లో ఓటమి పాలైనప్పటికీ… ఆ తరువాత వరుసగా రెండు సెట్లు తన పరం చేసుకున్న సబలెంకా తన కెరీర్ లోనే ఓ గొప్ప విజయాన్ని సాధించింది. మొదటి సెట్ ను గెలిచినప్పటికీ, ఆ తరువాత ఆ ఊపు చూపలేకపోయింది కజికిస్థాన్ అమ్మాయి 23 ఏళ్ల రైబాకినా రన్నరప్గా సరిపెట్టుకుంది.
విన్నర్గా నిలిచిన సబలెంకాకు ఇదే తొలి గ్రాండ్ స్లామ్ టైటిల్ కావడం విశేషం. ఈ ఓపెన్ టైటిల్ గెలవడంతో సబలెంకా ప్రపంచ మహిళల సింగిల్స్ ర్యాంకింగ్స్ లో రెండో స్థానానికి చేరుకుంది.
భారత అత్యుత్తమ మహిళా టెన్నిస్ స్టార్ సానియా మీర్జా జనవరి 27 న జరిగిన రోహన్ బోపన్నతో కలిసి మిక్స్డ్ డబుల్స్ ఫైనల్లో ఓటమి చవిచూసింది. తన 18 ఏళ్ల కెరీర్ ను ఓటమితో ముగించింది. దుబాయ్ లో జరిగిన డబ్ల్యూటీఏ టోర్నీ తరువాత ప్రొఫెషనల్ టెన్నిస్ కు రిటైర్మెంట్ ఇస్తున్న విషయం తెలిసిందే.