Rao Ramesh | ఇప్పటిదాకా విలన్‌గా, క్యారెక్టర్ ఆర్టిస్ట్‌గా దుమ్మురేపిన రావు రమేశ్ ఇప్పుడు కొత్త అవతారం ఎత్తుతున్నాడు. హీరోగా కూడా అదరగొట్టేందుకు సిద్ధమయ్యాడు. రావు రమేశ్ ప్రధాన పాత్రలో ఇప్పుడు ఒక సినిమా తెరకెక్కుతుంది. ఇప్పుడు ఈ వార్త ఫిలింనగర్‌లో హాట్ టాపిక్‌గా మారింది.
రావు రమేశ్ హీరోగా వస్తున్న సినిమా పేరు మారుతినగర్ సుబ్రహ్మణ్యం ( Maruti Nagar Subramanyam ). పీబీఆర్ సినిమాస్ బ్యానర్‌పై ప్రొడక్షన్ నంబర్ 2గా ఈ సినిమా వస్తుంది. హ్యాపీ వెడ్డింగ్ సినిమా ఫేమ్ లక్ష్మణ్ కార్య దర్శకత్వం వహిస్తున్నాడు. మరి ఈ సినిమాలో హీరోయిన్ ఎవరని ఆలోచిస్తున్నారా? అది ఎవరో కాదు అందాల తార ఇంద్రజ ( Indraja ). సినిమాల నుంచి చాలా రోజుల గ్యాప్ తర్వాత జబర్దస్త్ కామెడీ షోకి వచ్చిన ఇంద్రజ.. రోజా వెళ్లిపోయిన తర్వాత ఆ ప్లేస్‌లో సెటిలైపోయింది. తెలుగు ప్రేక్షకులకు ఇప్పుడు ఫేవరేట్‌గా మారింది. ఇలాంటి సమయంలో రావు రమేశ్, ఇంద్రజ కాంబినేషన్‌లో సినిమా రావడం వైరల్‌గా మారింది.
మారుతినగర్ సుబ్రహ్మణ్యం సినిమాను దర్శకుడు లక్ష్మణ్ కార్య తాజాగా ప్రకటించారు. వినోదాత్మకంగా వస్తున్న ఈ చిత్రం ఆద్యాంతం క్షణ క్షణం ట్విస్టులతో ప్రేక్షకులకు నచ్చేలా ఉంటుందని ఈ సందర్భంగా డైరెక్టర్ తెలిపాడు. నడి వయసులో ఉన్న ఓ మధ్యతరగతి జీవితంలో జరిగిన సంఘటన ఆధారంగా తెరకెక్కిస్తున్న ఈ సినిమా ప్రేక్షకులను కడుపుబ్బా నవ్వి్స్తుందని ఆయన ఆశాభావం వ్యక్తం చేశాడు. ప్రస్తుతం సినిమా ప్రీ ప్రొడక్షన్ వర్క్ జరుగుతుందని.. మార్చి నుంచి రెగ్యులర్ షూటింగ్ ప్రారంభిస్తామని చెప్పాడు.
Follow Us : Google News, Facebook, Twitte
