Love today in OTT | ఇప్పుడు సెల్ఫోన్లే ప్రపంచం అయిపోయాయి. ఆప్తమిత్రుడికి కూడా తెలియని మన రహస్యాలు మన మొబైల్కు మాత్రమే తెలుసు. మరి అంత పర్సనల్గా తన ఫోన్లను ఇద్దరు ప్రేమికులు మార్చుకుంటే పరిస్థితేంటి? వాళ్ల జీవితంలో ఎలాంటి మార్పులు చోటుచేసుకుంటాయి. ఎవరికీ తెలియని తమ నిజస్వరూపాలను ఒకరికొకరు తెలుసుకుంటే కలిసి ఉండగలారా? వినడానికే కాన్సెప్ట్ కొత్తగా ఉంది కదా ! ఇదే కాన్సెప్ట్తో తెరకెక్కింది లవ్ టుడే.
తమిళనాట చిన్న సినిమాగా విడుదలైన ఈ సినిమా కలెక్షన్ల ప్రభంజనం సృష్టించింది. కేవలం 5 కోట్ల బడ్జెట్తో తెరకెక్కిస్తే 60 కోట్లకు పైగా కలెక్షన్లను రాబట్టింది. ఇదే క్రేజ్తో నవంబర్ 25న తెలుగులో రిలీజై ఇక్కడ కూడా సూపర్ హిట్ టాక్ తెచ్చుకుంది. హీరో ప్రదీప్ రంగనాథన్ స్వీయ దర్శకత్వంలో తెరకెక్కిన ఈ సినిమా తెలుగు ప్రేక్షకులను ఆకట్టుకుంది. ముఖ్యంగా కథానాయిక ఇవానా అందరికీ నచ్చేసింది. ఇప్పుడు ఈ సినిమా ఓటీటీలోకి వచ్చేస్తోంది. ప్రముఖ ఓటీటీ సంస్థ నెట్ఫ్లిక్స్ ఈ సినిమా రైట్స్ను సొంతం చేసుకుంది. ఈ నెల 25న క్రిస్మస్ కానుకగా లవ్ టుడే చిత్రాన్ని స్ట్రీమింగ్ చేయాలని అనుకుంటుంది. దీనిపై ఇంకా అధికారిక ప్రకటన రావాల్సి ఉంది.
Read More Articles |
Avatar2 Review | అవతార్ 2 రివ్యూ.. జేమ్స్ కామెరూన్ మరోసారి మాయ చేశాడా?
Atlee kumar | పెళ్లయిన 8 ఏళ్లకు తల్లిదండ్రులు అవుతున్న మరో సెలబ్రెటీ కపుల్